एनपीएलमा आज पोखरा र सुदूरपश्चिमबीच प्रतिस्पर्धा
वि.सं.२०८३ कात्तिक ११ बुधवार ०८:३२
1.43K
shares
shares
काठमाण्डौ – नेपाल प्रिमियर लिग (एनपीएल)मा आज पोखरा एभेन्जर्स र सुदूरपश्चिम रोयल्सबीच प्रतिस्पर्धा हुँदैछ ।
त्रिवि क्रिकेट रङ्गशालामा हुने खेल बेलुका ५ बजे शुरू हुनेछ । पोखराले पहिलो खेल खेल्न लागेको हो भने सुदूरपश्चिम दोस्रो खेलमा मैदान उत्रँदैछ ।
यसअघि उद्घाटन खेलमा सुदूरपश्चिम लुम्बिनी लायन्ससँग ७ विकेटले पराजित भएको थियो ।
हिजोका खेलमा चितवन राइनोजले विराटनगर किङ्ग्सलाई ८ रनले र कर्णाली याक्सले जनकपुर बोल्ट्सलाई १९ रनले हराउँदै विजयी शुरुआत गरेका थिए ।
एनपीएलको तेस्रो संस्करणमा आठ टोली सहभागी छन् । प्रतियोगिता आउँदो मङ्सिर ५ गतेसम्म सञ्चालन हुनेछ ।
