नागरिकताको प्रतिलिपि लिन अब जिल्ला धाउनुनपर्ने, उपत्यकाबाटै लिन पाइने
वि.सं.२०८३ कात्तिक ११ बुधवार १७:२३
1.2K
shares
shares
काठमाडौँ – नागरिकताको प्रमाणपत्र हराएका वा नष्ट भएका नागरिकले अब काठमाडौं, ललितपुर र भक्तपुरका जिल्ला प्रशासन कार्यालयबाटै प्रतिलिपि लिन पाउने भएका छन्।
नयाँ व्यवस्थाअनुसार काठमाडौं कार्यालयबाट बागमती, गण्डकी र लुम्बिनी, ललितपुरबाट कर्णाली र सुदूरपश्चिम तथा भक्तपुरबाट कोशी र मधेस प्रदेशका नागरिकले सेवा लिन सक्नेछन्।
नागरिकता प्रतिलिपि जारी गर्नुअघि सम्बन्धित प्रणालीमा रहेको अभिलेख रुजु गरिनेछ। अभिलेख नभेटिएमा वा विवरण सच्याउनुपर्ने भएमा भने थप प्रक्रिया अपनाउनुपर्नेछ।
