बझाङमा जिप दुर्घटना हुँदा दुई जनाको मृत्यु
वि.सं.२०८३ कात्तिक १८ बुधवार ११:०१
391
shares
shares
धनगढी । बझाङको केदारस्युँ गाउँपालिका–७ भानचौरमा बुधबार बिहान जिप दुर्घटना हुँदा दुई जनाको मृत्यु भएको छ ।
दुर्घटनाग्रस्त जिपमा १२ देखि १५ जनासम्म सवार रहेको प्रारम्भिक जानकारी आएको जिल्ला प्रहरी कार्यालय बझाङले जनाएको छ ।
दुई जनाको घटनास्थलमै मृत्यु भएको सूचना पाएपछि प्रहरी टोली उद्धार तथा आवश्यक व्यवस्थापनका लागि घटनास्थलतर्फ खटिएको छ ।
प्रहरी निरीक्षक उपेन्द्र तिमिल्सैनाका अनुसार विभिन्न प्रहरी युनिटबाट टोली परिचालन गरिएको छ । दुर्घटनाबारे थप विवरण आउन बाँकी छ ।
