भाद्र २९ काठमाडौं। नेपालीहरुको महान पर्व हरितालिका तीज पर्वका दिन १२ महिला प्रमुख जिल्ला अधिकारी (सिडियो) भने कार्यालयमा ब्यस्त रहेका छन् । सरकारले महिला कर्मचारीहरुलाइ तीज पर्वका अवसरमा बिदा दिदै आएता पनि सिडियो पद आफैमा जिम्मेवारी पुर्ण पद भएकोले पनि महिला सिडियोहरु कार्यालयमा ब्यस्त हुनुपरेको हो । सरकारले देशभरका एक दर्जन जिल्लामा महिला प्रमुख जिल्ला अधिकारी (सिडिओ) पठाएको छ । डोटी, बैतडी,धनकुटा, तेह्रथुम, सिन्धुली, रामेछाप, दोलखा, धादिङ, मुस्ताङ, रुकुम पूर्व, डोल्पा र सल्यानमा महिला सिडिओ रहदै आएका छन् ।रामेछापमा बिनु बज्राचार्य कुँबर, दोलाखामा रेखा कँडेल, धादिङमा लक्ष्मी पाण्डेय,धनकुटामा रूद्रादेवी शर्मा, सिन्धुलीमा स्किम श्रेष्ठ, र डोटीमा कल्पना घिमिरे नेपाल सिडिओको भूमिकामा रहदै आउनु भएको छ । त्यस्तै कोपिला राई रूकुम पूर्व, जुनु हमाल ढकाल डोल्पा, अजिता शर्मा मुस्ताङ, वन्दनाकुमारी केसी सल्यान,तेह्रथुममा बन्दना राई र मिना अर्यालले बैतडीको सिडिओ चलाइरहेका छन्। तेह्रथुमकी सिडिओ बन्दना राईको भने कंचनपुरको स्थानीय तहमा सरूवा भइसकेको छ् ।