पाल्पामा पहिरोले घर पुरिँदा तीन जना सम्पर्कविहीन
वि.सं.२०८३ असोज ११ आइतवार १०:१९
195
shares
shares
पाल्पा। माथागढी गाउँपालिका–३ भैसकट्टामा बिहान घरमाथिबाट आएको पहिरोले घर पुरिँदा तीन जना सम्पर्कविहीन भएका छन्।
बिहान करिब साढे ४ बजे आएको पहिरोमा परी ७५ वर्षीय लिलबहादुर घर्ती, उहाँकी १७ वर्षीया छोरी दिना घर्ती र छिमेकी मोतिलाल घर्तीकी १५ वर्षीया छोरी झरना घर्ती सम्पर्कविहीन भएका हुन्।
ठूलो ढिस्कोसहितको पहिरोले घर नै देख्न नसक्ने गरी पुरिएको र उद्धारमा कठिनाइ भइरहेको गाउँपालिका अध्यक्ष यम चिदीले बताउनुभयो।
घटनालगत्तै सुरक्षाकर्मीको टोली खोजी तथा उद्धारमा खटिएको उहाँले जानकारी दिनुभयो।
