काठमान्डु गोर्खाजको पहिलो जित, कर्णाली याक्स ४ विकेटले पराजित
वि.सं.२०८३ कात्तिक १६ सोमवार १६:४५
506
shares
shares
काठमाडौं । नेपाल प्रिमियर लिग (एनपीएल) मा काठमान्डु गोर्खाजले पहिलो जित निकालेको छ । सोमबार भएको खेलमा काठमान्डुले कर्णाली याक्सलाई ४ विकेटले पराजित गरेको हो ।
कर्णालीले दिएको १८१ रनको लक्ष्य काठमान्डुले १९.४ ओभरमा ६ विकेट गुमाएर पूरा गर्यो । काठमान्डुका राशिद खानले सर्वाधिक ५० रन बनाए भने करण केसीले ४४, आदिल आलमले २० र जहानदाद खानले अविजित २२ रन जोडे ।
त्यसअघि पहिले ब्याटिङ गरेको कर्णालीले निर्धारित २० ओभरमा ६ विकेट गुमाएर १८० रन बनाएको थियो । उसका अरिफुल इस्लामले ४४, हुसेन तलतले ४० र पवन सर्राफले अविजित ३० रन बनाए ।
काठमान्डुका करण केसीले दुई विकेट लिए । यो कर्णालीको प्रतियोगितामा पहिलो हार हो ।
